संमोहन शास्त्र

संमोहन शास्त्र: व्यावहारिक यशाचा हमखास उपाय

संमोहन शास्त्राबद्दल थोडेसे…
संमोहन म्हणजे अंतर्मनाची शक्ती वापरून बाह्यमनाला वळवण्याचे शास्त्र.
अंतर्मनाची शक्ती प्रत्येकाकडे आते, आणि आत्म संमोहनाचे शास्त्र बहुतेक सर्वांनाच जमू शकते.
अंतर्मनातून  एखादी गोष्ट करण्यासाठी जी एकाग्रता लागते, ती मिळवण्याचे वेगवेगळे प्रकार आहेत. उदाहरणार्थ, प्राणायाम, ध्यान, त्राटक, वगरै.
या शास्त्रानुसार स्व-संमोहन करताना, आधी मनातले अनियमित (random) विचार थांबवून, निदान कमी करून मग स्वतःला सूचना घेता येतात.
पण काही गोष्टींसाठी दुसर्‍या कुणाकडूनच सूचना घेणे अधिक योग्य/ शास्त्रपूर्ण असते. उदाहरणार्थ, एखाद्या गोष्टीचे भीती घालवण्यासाठी, स्वतःच्या स्वतःला सूचना घेणे शक्य नसते… कारण त्या गोष्टीचा विचार करायला लागल्याबरोबर, बाह्यामानच घाबरतं… आणि इतकी ‘गडबड’ सुरु करतं, की अंतर्मनापर्यंत काही पोहोचणंच कठीण जातं.
अशावेळेस दुसर्‍या कुणी बाह्यमन झोपवून दुसर्‍या किंवा तिसर्‍या ट्रान्स (trance) मध्ये नेऊन सूचना दिल्या तर त्या संमोहनाचा परिणाम पक्का होतो.

शास्त्राप्रमाणे संमोहन निद्रेच्या पातळया
या शास्त्रात संमोहनाच्या ३ पातळया सांगित्ल्या गेल्या आहेत: १. सौम्य मोहनिद्रा (light trance), २. मध्यम मोहनिद्रा (middle trance), आणि ३. प्रगाढ मोहनिद्रा (deep trance).
संमोहन निद्रेच्या पहिल्या पातळीत (सौम्य मोहनिद्रेत) असताना माणूस बराचसा जागाच असतो, आणि फक्त डोळे घट्ट मिटलेले राहतात. अंग जड असते. पण नीट बोलता येत असते.
संमोहन निद्रेच्या दुसर्‍या पातळीत (मध्यम मोहनिद्रेत) दूरवरचे आवाजसुद्धा स्पष्ट ऐकू येतात. सगळे कळत असते, पण स्वतः बोलणे देखील जड जाते. या वेळेस आवाज अगदी खोल आणि जड असतो, पण बोलता येते.
संमोहन निद्रेच्या तिसर्‍या पातळीत (प्रगाढ मोहनिद्रेत) माणूस स्वप्नात असल्यासारखा वागतो. त्याला डोळे उघडायला सांगितले, चालायला, नाचायला सांगितले तरी सगळे काही करू शकतो, फक्त ते त्याला नंतर आठवत नाही किंवा स्वप्न पाहिल्यासारखे पुसटसे आठवते.
संमोहन निद्रेच्या कुठल्याही अवस्थेत कोणीही  माणूस  त्याच्या स्वतःच्या नैतिकतेविरुद्ध काहीही करत नाही हे या शास्त्रात सिद्ध केले गेले आहे.
संमोहन शास्त्राचा उपयोग विद्यार्थ्यांसाठी सगळ्यात चांगला होऊ शकतो.
सगळ्या प्रकारच्या नकारात्मकता (negativities) काढून टाकण्यासाठी संमोहन शास्त्र हा एक हमखास उपाय आहे.
…कविता

Anyone interested in therapy, can contact me on dr.kavita2010@gmail.com .
I take personal sessions at Thane and Navi Mumbai.